Félag stjórnmálafræðinga

Velkomin á heimasíðu Félags stjórnmálafræðinga

Aðalfundur Félags stjórnmálafræðinga verður haldinn miðvikudaginn 10. júní, 2026 kl 19:30 á Röntgen (2. hæð), Hverfisgötu 12.

Hefðbundin aðalfundarstörf hefjast kl 19:30 og gert er ráð fyrir að þeim ljúki upp úr kl 20:00.

Að aðalfundi loknu tekur gleðin völd en stjórnin mun standa fyrir BARSVARI (pub quiz) með stjórnmálafræðiívafi!

Til þess að geta tekið þátt í kosningu stjórnar þurfa félagsmenn að hafa greitt síðasta félagsgjald sem var rukkað í heimabanka haustið 2025. Einnig er hægt að greiða félagsgjöld með millifærslu á staðnum.

Boðið verður upp á léttar veitingar svo lengi sem birgðir endast.

Dagskrá aðalfundar:

1. Skýrsla fráfarandi stjórnar
2. Framlagning reikninga félagsins
3. Kosning stjórnarmeðlima
4. Önnur mál

Öll velkomin meðan húsrúm leyfir! Vonumst til að sjá ykkur sem flest!

Um Félag stjórnmálafræðinga:

Félag stjórnmálafræðinga er fagfélag stjórnmálafræðinga á Íslandi. Meginmarkmið félagsins er að efla veg greinarinnar í hvívetna. Þessi síða er hugsuð sem vettvangur stjórnmálafræðinga. Öll sem lokið hafa prófi í stjórnmálafræðum frá viðurkenndum háskóla eru gjaldgeng í Félag stjórnmálafræðinga.